«Giella akto ii buvtte sámi perspektiivva oahpahussii ja skuvllaide. Sámi perspektiiva sáhttá leat ollu, muhto jus dál jurddaša ahte guovttegielatvuohta lea sámi perspektiiva ja nubbi fas dat ahte sámit eai leat heajut álbmot. Hárve, jus jo oahpaheaddjis ii leat sierra beroštupmi, dadjo nu go Ruoŧa bealde skuvllain, ahte guovttegielatvuohta lea buorre oahpahussii, oahppái ja oahpaheaddjái. Eai leat anus oahpahanvuogit mat ovddidit ja movttiidahttet oahppi nannet/geavahit gielaid maid máhttá. Nu maid, jus omd fágateavsttat sámegillii ain čuoččuhit ahte sámi álbmot lea heajut álbmot. Sisdoallu ii šatta buoret dušše danin go rievdada giela. Muhtun váikkuhus lea, ahte sámegiela ii sáhte go dihto áššiid birra hupmat ja čállit. Amas sánit ja doahpagiid sámegillii ii dáhto oahppat, ja baicce doahttala váldoservodaga gillii čilget. Lea álkit nu.»

Dát lea oassi barggus maid čállen loahpahanseminárii dán kurssas. Artihkkal maid ledjen lohkan lei Sámi time, space and place: Exploring teachers´metapragmatic statements on sámi language use, teaching, and revitalization in Sápmi (Nancy H. Hornberger & Hanna Outakoski, 2015).