Language immersion. Drukne i språk

«Oahpahus mii dássážii leamaš, lea vuođđuduvvon ovttagielat norpmaid mielde. Giella “immersion” man jurdda lea nannet nuppi ja vaikko goalmmát giela ohppiin lea oahpahanvuohki, mii unnán lea čađahuvvon, nu go Ruoŧabealde Sámis. In dieđe leago váilevaš máhttu skuvllain ja oahpaheddjiin, vai leago ieš skuvlasystema mii caggá giellaoahpahusa mii nannešii oahppi gielaid ja nu maid ovddidivčče guovttegielatvuođa. Giella “immersion” bidjá olbmo doaibmi guovttegielagin.

Nu go mun ipmirdan modealla, de lea jurdda ahte gielaid oahpaheami ferte čađahit obbalaččat, iige bidjat giela dihto diimmomeriide. Dát mearkkaša ahte fágat nu go sárgun, matematihkka, gohkken jnv maid čađahuvvo omd sámegillii, jus dat lea dat giella mii galgá nannejuvvot. Vuohki maid nanne giela maid galggat oahppat, muhto ii hávkát ja jávkát giela mii lea du ruovttugiella dahje nannoseamos giella.

Sámeskuvllaid vuorddašin leat doarvái fágamáhttu čuovvolit modealla ollásit ja dievaslaččat. Mun in gula dan ságastallama gostege. Makkár ovdagovat leat mis hábmet oahpahusa mii gárvvista oahppi Sápmái ja máilbmái?

Mun in máhte govahallat mo doaibmi guovttegielatvuohta galgá oahpahuvvot skuvllain. Mun inge oainne mo oahpahanmodealla, vaikko leage teorehtalaš, “immersion” galgá oažžut áigái servodagas mas lea gielalaš hierarkiija ja monolinguála servvodatmodealla. Go vel máŋggakultuvrralašvuohta adnojuvvo amasin Ruoŧabealde davvin, vaikko leat eallán nu moadde čuohte jagi. Mun lean doaibmi guovttegielat olmmoš, ja mu vásáhus lea priváhtta. Mun in leat skuvllas oahppan giela ovdánahttima ja oahpahallama birra. Dan livčče vuogas ja issoras somá vásihit skuvllas maid.»

Dá lea oassi barggus maid čállen artihkkala vuođul Language Immersion Tepee as a Fascilitator of Sámi Language Learning (Pigga Keskitalo, Kaarina Määttä & Satu Uusiautti, 2014).

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut /  Endre )

Google-bilde

Du kommenterer med bruk av din Google konto. Logg ut /  Endre )

Twitter-bilde

Du kommenterer med bruk av din Twitter konto. Logg ut /  Endre )

Facebookbilde

Du kommenterer med bruk av din Facebook konto. Logg ut /  Endre )

Kobler til %s